Gulat ang expression ni Drax matapos tanggapin ang tawag mula kay Andrei. Alam niya na kahit hindi nito sabihin, kilala niya ang gumawa niyon. Napabuntong-hininga na lamang siya saka muling bumalik sa ward na tinutuluyan ng hipag.
Naabutan niyang pasilip-silip ang kapatid niyang babae at si Louis sa ward. Nilapitan na lamang niya si Pia na nakaupo lang sa upuan at sinasaway ang dalawa. Nahawa na nga si Catherine kay Louis.
"Ano'ng ginagawa nila?" Tanong niya.
"Naninilip." Tipid na sagot ni Pia kaya pinagkunutan niya ito ng kilay. Ngumuso lang ito sa dalawang naghahampasan pa sa pinto.
Tumayo na lamang siya at hinawi ang dalawa. "Ano ba'ng pinaggagagawa niyo?" tanong niya sa mga ito. Akma niyang bubuksan ang pinto nang pigilan siya ng dalawa, ngunit nabuksan na niya iyon. Sabay nalang n
