"PAMBIHIRA ka naman kasi! Basta ka na lang sumugod e hindi nga natin alam kung nasaan ang babaeng 'yon—"
"P*nyeta manahimik ka kung ayaw mong pasabugin ko 'yang bunganga mo!" At saka itinutok ni Elias ang hawak na baril kay Kai kaya napataas na lang ito ng dalawang kamay.
Pasalpak niyang isinara ang pinto ng kanilang sasakyan dahil sa yamot niya sa kasama. Hindi niya hinintay pa ito na matapos sa pag-park at kaagad na niyang tinungo ang warehouse.
Buong magdamag nilang hinanap ang kinaroroonan ni Coleen ngunit nanatili silang bigo. Hindi rin niya malaman kung bakit kahit wala naman silang konkretong plano ay basta na lang siyang sumugod.
"Ano na'ng plano mo?" muling tanong ni Kai na noo'y nakasunod na sa kaniya.
"E 'di hahanapan ng silbi si Tre—P*tangin* Claire!" Patakbo nilang tinu
