"Perry, pahiram ng anak mo."
Bigla siyang kinabahan sa bumungad sa kanya. Kakagaling niya lang sa CR dahil nasusuka na naman siya at naiwan si Zavia sa classroom kung saan ang klase niya, "Please," sambit nito habang nakatingin nang malalim sa mga mata niya at unti-unting nilingon ang pinanggalingan niya.
"Bakit? Para paiyakin mo na naman?" palaban na sabi niya. Ito ang pangalawang araw na dala niya si Zavia dahil hindi pa rin mabuti ang pakiramdam ni Cecil.
"Kaya nga pahiram ako, hihingi ako ng tawad."
"Ikaw ang kumausap," sagot niya at nagsimula nang lumakad pabalik sa classroom kung nasaan ang anak niya. Nakasunod naman ang si Isma sa kanya.
Nang bubuksan na niya ang pinto ng classroom ay pinigilan siya ni Isma, "Ano?"
"Pwede bang tulungan mo akong kausapin?" Kumunot ang noo
