"Perry?"
"Manang Esme, bakit po?" tanong niya nang tawagin siya nang Mayordoma habang nagluluto siya ng agahan.
"May sinat ang Yaya ni Zavia."
"Po? Okay lang po ba siya?" nag-aalalang tanong niya bago pa man niya naisip na walang magbabantay sa anak niya kung ganoon.
"Paano si Zavia ngayon, Perry? Sinong magbabantay?"
"Ah—" nakagat niya ang ibabang labi dahil sa naisip, "—dadalhin ko na lang po siguro sa skwelahan…" hindi rin siguradong ani niya.
"May lakad din kasi ako ngayon." Tumango na lamang siya bilang sagot at tinapos na ang paghahanda ng agahan para magising at mabihisan si Zavia. Napakagat siya ng ibabang labi dahil baka makita ni Zavia si Isma at kung ano na naman ang maisip.
"Baby…gising ka na. Isasama ka ni Mommy sa school," bulong niya sa anak na mahimbing na natut
