" Hanapin niyo ang mahal na Reyna! Kung kailangan niyong puntahan ang mga gubat ay gawin niyo! Ang importante ay mahanap siya! " utos ni Haring Cedie sa lahat ng kawal na nasa kanyang harapan.
Nang makaalis ang mga kawal ay napahawak siya sa kanyang ulo.
Tatlong araw na ang nakakalipas ay hindi pa rin nila mahanap kung nasaan si Reyna Reann. Walang tigil ang paghahanap nila at halos hindi na ring magpahinga si Cedie dahil tumutulong din siyang naghahanap.
" Magpahinga ka na muna, Haring Cedie. Tatlong araw at gabi ka nang walang pahinga, " sabi sa kanya ni Bernard.
Napatingin si Cedie kay Bernard, " Kailangang mahanap si Reyna Reann, Bernard! Buntis siya at baka kung napaano na siya! " sabi ni Cedie sa kanya.
" Naiintindihan kita, Haring Cedie pero sa tingin mo, kung nandito si R
