CHAPTER 77
“Ang totoo niyan ay ipinaglaban talaga ako ng Daddy mo sa Mama niya. Tanggap ako ng Papa niya pero galit na galit sa akin ang Mama niya. Sinabi sa akin noon na mamamatay na muna siya bago ako pakakasalan ng anak niya at hindi siya papayag na sa katulad ko lang ang aasawahin ng kanyang anak. May mga English siyang sinasabi na hindi ko naman naiintindihan. ”
Huminga ako ng malalim. Halos pareho kami ng pinagdaanan ni Nanang. Namana ko rin sa kanya pati ang sakit na pinagdaanan niya sa lalaking minahal niya kaya habang nagkukuwento siya ay ramdam ko ang sakit sa kanyang mga mata. Magkaiba lang kasi ang personalidad namin at katayuan. Siya ay hindi palabang babae dahil na rin siguro sa kakulangan niya ng edukasyon. Ako kasi palaban lalo na kung alam kong nasa tama ako, wala akong
