CHAPTER 75
Huminga ako ng malalim. Parang pumayat lalo si Heine. Bumagsak ang kanyang pangangatawan. Kahit gusto kong isipin na kapatid ko siya ay hindi pa rin talaga tanggap ng aking sistema. Para mawala ang isipin ko tungkol kay Heine ay muli kong binalikan ang sulat ni Bryan. Kailangan kong malaman ang lahat baka sakaling dito ko na makikita ang closure naming dalawa.
Huminga ako ng malalim. Kailangan kong tapangan ang aking loob para matapos ko ang sulat ni Bryan nang hindi umiiyak.
Lalapit na ako sa mga baklang naghihintay lang ng aking pagpayag kapalit ng pera. Nang ilang dipa na lang ang layo ko sa kanila ay natigilan ako. Biglang naalala ko ang kaibigan mong si Ate Champagne. Tama. Baka sa kanya ka pumisan. Baka nga siya ang tumulong sa’yo. Matagal na akong palaboy-laboy ngu
