* * Nica's POV * *
"Alam mo, Nica, hindi ako naniniwala na basta-basta na lang yun lumabas sa bibig mo. Alam kong may nalaman ka o nakita na hindi mo sinasabi sa akin o sa amin tungkol kay Sir Dennis," wika ni Mina sa akin habang naglalakad kami pauwi. Dahil doon, napatigil ako at huminga nang malalim.
"Mina, nakakahiya. Buti na nga lang at hindi inusisa ni Mrs. Atienza at Mr. Atienza kung bakit ko nasabi yun eh," malungkot kong sagot sabay harap sa kaibigan ko.
Alas-diyes na ng gabi at medyo malayo-layo na rin kami sa mansyon, pero kahit papaano ay maliwanag pa rin ang dinadaanan namin dahil umaabot ang ilaw mula sa labas ng mansyon ng mga Atienza hanggang dito. Dagdag pa, dahil sa liwanag ng malaking buwan, mas maliwanag ang buong paligid.
"Sabi ko na nga ba at meron kang hindi sinas
