NAPALINGON AKO nang makarinig ng tila nagtatalo sa direksiyon ng mga kaibigan ni Marcus. Kasama ko si Miya sa marangyang dining habang nagmi-meeting ang mga ito. Sinimulan na nila ang pulong kahit hindi pa nakakabalik si Marcus. Ni hindi man lang nagpadala ng mensahe ang asawa ko.
“Ganyan talaga sila kaya masanay ka na,” ani ni Miya. “Fruits?”
Inabot niya sa akin ang mga hiniwang mansanas at orange. “Thank you,”
“Nagtataka ka siguro dahil dito nila napili na magkaroon ng meeting. Well, masyado kasing busy ngayon si Marcus at hindi nila matiyempuhan ang schedule.”
Busy?
“Ahm, Miya, may itatanong lang sana ako.” Mataman niya akong tinitigan. “K-kilala mo ba ‘yong – “
“Babaeng kasama ni Marcus?”
“Oo.”
“Relax ka lang, kaibigan lang ‘yon ni Marcus. Ipinakilala siya sa akin ni Marcus r
