Sabrina's P.O.V.
"Gumising ka na, Daddy. Hanggang ngayon, pinaglilihian pa rin kita kaya ang sama-sama ng loob ko dahil hindi ka pa rin nagigising. Kailangan ka namin ng mga anak mo," pakiusap ko sa kanya.
Napaigtad ako sa kinauupuan nang biglang gumalaw ang kamay niya.
Agad kong tinawag ang nurse para ipaalam iyon. Mas nagkaroon ako ng pag-asa na sa lalong madaling panahon ay magigising na siya.
Kinuha ko ang cellphone ko nang biglang tumunog ito habang inaaasikaso ng mga nurse si Daddy Enzo.
"Ate, nandito na po kami sa condo," sabi ni Matmat sa kabilang linya.
"Kumusta ang Ate SamSam mo?" tanong ko.
"Masakit pa rin daw po ang mga balakang niya, Ate," sagot ni Matmat.
Kinabahan ako dahil dalawang linggo na pala niyang iniinda ang ganoong pananakit, pero ngayon lang niya sinabi sa
