Naitulak ko si Lucia nang hindi ko sinasadya dahil sa gulat at galit na mabilis na sumakop sa akin.
Sino ba namang hindi kung ganito ang gigisingan?
Hindi ko na nagawang makapagsapin sa paa at ayusin pa ang itsura ko dahil sa pagmamadali.
Wala na ako sa sarili nang makalabas ako sa kwarto.
Agad akong nagtungo kay Devon pero parang nawalan ng lakas ang mga paa ko nang maabutan si Ciane na nakatali ang mga kamay at nagsisisigaw na puno ng takot ang boses.
Kinakaladkad ang bata ng dalawang mga kalalakihan palabas ng Tibeto.
Nasa likuran ng mga ito si Devon na natigilan sa paglalakad nang tumama ang tingin sa akin.
Ngumiti ito sa akin saka mabilis na binawi ang tingin.
“D-Devon,” habol ko na halos magkandapa-dapa na ako dahil talagang nanghihina ang mga tuhod ko.
Pero kahit anong gaw
