“A-anong nangyari sa mata mo?” uutal-utal kong tanong at akmang hahaplusin ang pilat nang pigilan ni Arkin ang kamay ko.
“Naaksidente ako noong bata ako,”
Napalunok ako, “Naaksidente?”
“Ano bang pakialam mo? Wag mong ibahin ang usapan! Ang sinasabi ko ay bakit dikit ka ng dikit kay Devon gayong sinabi ko nang huwag,”
Napakunot ang noo ko at pilit na kinakalma ang sarili ko dahil sa ayaw kong magsalubong ang mga inis namin.
“Ano? Magsalita ka! Ganon ka ba kasabik sa lalaki?”
Napangisi ako at galit kong hinablot pabalik ang braso ko, “Anong sabi mo?”
“Gusto mong ulitin ko pa?”
Naglapat ang mga ngipin ko at galit na kwinelyuhan rin siya kahit matangkad siya sa akin, “Huwag na huwag mo akong igagaya sa iyo. Mabuting tao si Devon at hindi isang kagaya mo lamang ang makakapigil sakin na
