"Salamat sa paghatid, Lauro. Sasabihan na lang kita kapag nakapagdesisyon na ako sa lupa..."
Tumango lang si Lauro saka ngumiti sa kanya. Pagkalabas niya sa kotse ay halos takbuhin niya ang loob ng ospital para puntahan ang anak.
Naka-dextrose si Alejandro nang datnan niya ito sa pribadong silid. Kasalukuyang nagra-rounds ang mga nurse nang pumasok siya. Nakatitig si Dash sa kanya na hindi niya nagawang salubungin. Nang makaalis ang nurse ay nagtanong siya kay Dash.
"Ano'ng nangyari sa kanya?"
"He got high fever last night. Hindi ko na ipinagpabukas ang pagdadala sa kanya dahil baka lumala pa."
"Ano ang sabi ng doktor?"
"Bronchiolitis daw, pero makukuha naman sa antibiotics. Kapag humupa na ang lagnat niya bukas ay maaari na siyang iuwi."
Hinalikan niya ang anak na masar
