Natuloy na ang pag-aasikaso ng paglilipat ng pangalan ng hacienda kay Lenna sa tulong ng abogadong si Lucio. Sa loob ng tatlong buwan mula nang bumalik ang asawa ay hindi naman ito nakausap ni Dash nang masinsinan. Lagi itong nakaiwas sa kanya at laging galit kapag lumalapit siya.
"Hindi ka pa ba uuwi, Sir Dash?" tanong ng isang tauhan sa kanya dahil malapit na'ng mag-alas sais at magdidilim na. Sa araw-araw na lumilipas ay kinakatakutan niya na ang pag-uwi dahil baka isang araw ay sarado na ang mansyon para sa kanya.
Napilitan siyang tumayo at tunguhin ang sasakyan para umuwi. Pagdating niya sa bahay ay may paalis na lalaki na sa tingin niya'y mas bata nang kaunti sa kanya. Inihatid pa ito ni Lenna sa driveway at matagal pang nag-usap ang dalawa bago yumakap ang lalaki at tuluyang
