Tumunog ang telepono ni Lenna at nakitang si Lucio ang tumatawag. Ang huli niyang pakikipag-usap sa kaibigang abogado ay noon pang birthday party ni Sonia.
"Hello..."
"Nakakatampo naman na hindi man lang ako imbitado sa kasal niyo ni Dash," pabiro nitong wika.
"Paano nakarating sa 'yo ang balita?" tanong niya. Kung mayroon mang nakakaalam sa pagpapakasal nila ni Dash ay mga tauhan lang sa mansyon.
"Maliit lang naman ang bayan natin at magkapitbahay lang naman tayo. Ibig bang sabihin ay hindi mo na hahabulin ang ari-arian ng Papa mo?"
"Nagkaayos na rin kami ni Matilda, Lucio. Abogado niya na ang mag-aayos ng lahat ng dokumento na may kinalaman sa hacienda. I'm sorry, hindi na kita naabisuhan. Naging abala na rin ako sa dami ng trabaho sa hacienda."
"Congratulations! So,
