“Anong kailangan niyo sa ‘kin?” Tinanggap ko pa rin ang pakikipagkamay nila sa ‘kin kahit nagtataka ako. Paano kaya nila nalaman ang pangalan ko? Hindi naman ako ipinakilala ni Levi sa kanila last time sa Domino’s.
“Girlfriend ka ni Levi, di ba?” Tanong rin ang ibinalik sa ‘kin ni Cayla.
Teka, sinabi ba ni Levi ang tungkol sa ‘min? ‘Di malayong mangyari na nalaman niya kina Brixx. Or maybe, in-assume niya dahil palagi kaming magkasama ni Levi?
Tumango ako. Wala namang dahilan para hindi ko sabihin. Mabuti na rin siguro ‘yon. Baka sakali, tumigil na siya sa pagsunod-sunod kay Levi. “Oo. Siya ba ang hinahanap niyo? May klase pa siya…”
“Hindi. Ikaw talaga ang hinahanap, Sis!”
Tinuro ko ang sarili ko. “Huh? Ako? Bakit?”
Nagulat ako nang bigla na lang hawakan niya ang kamay ko. “Come
