"What the hell happened?!" Gulat na bulalas ni Genesis nang makita kami. Nilakihan niya kaagad ang bukas sa pinto. "Pasok.. pumasok muna kayo..”
Sumunod ako sa kaniya sa loob ng unit. Naglakad siya papasok sa loob ng kwarto at inayos ang kama roon. I was just standing outside the room, tears pooling at the corner of my eyes, hugging Laura tightly.
"Ihiga mo muna si Laura rito, Jane," baling sa akin ni Genesis.
Sunod-sunod ang naging pag-iling ko. I was so scared to get her out of my sight kaya sa couch ko na lang siya inihiga habang natatanaw ko siya rito sa may dining area.
"Ano ba kasing nangyari at bakit ka namumutla?" Kumuha siya sa counter ng baso at sinalihan 'yon ng tubig saka inilapag sa harapan ko. "Oh, uminom ka muna nga ng tubig."
Sumimsim ako ng kaunti saka umiiling-iling.
