"Hello, Ma? Bakit? Nandito kasama yung mag-ina ko."
Pinagmamasdan ko lang si Levi habang nakikipag-usap sa Mama niya sa kabilang linya. Nakayakap pa rin ang isang braso sa beywang ko.
"Bakit ngayon niyo lang sinabi?" naiiling si Levi na humawak sa noo niya. "We're planning to celebrate here. Sinabi ko naman sa 'yo na huwag na nga. Sige, sige na. Bye." Ibinalik niya sa bulsa ang cellphone pagkatapos makipag-usap sa Mama niya.
"Bakit anong problema?" Tanong ko kaagad. Hindi ko naintindihan ang usapan nila. May ginawa na naman kaya ang Mama niya na 'di nagustuhan ni Levi. Hindi pa nga sila okay, dahil sa issue ng pagsusugal ni Tita Lanie.
"Pala-desisyon itong si Mama. Naghanda raw sila roon. Sinabi ko naman na dito ako mag-cecelebrate kasama kayo ni Laura." Napailing na siya.
"Uh.. m
