"Mama, grabe ang laki ng eroplano!" Malakas na kwento sa akin ni Jacky habang turo-turo ang private plane na nasa harapan namin.
Hindi ako makapaniwala na may ganito pala na bagay si Ashton. May nakaukit pa na Monteverde sa eroplano na nagpapahiwatig na sa kaniya talaga 'to. Ang kaniyang mga tauhan na puros naka suit at nakashades, nakahilera sa gilid ng daan patungo sa eroplano. Kulang na lang ay red carpet.
Ngayon pa lang ako makakasakay ng private plane at tingin ko ay mas magandang sakyan ito kaysa sa maraming tao. Hindi ko pa rin maiwasan ang malula at mamangha lalo na sa magandang disenyo na hindi pangkaraniwan sa Pilipinas. Kulay Ash Gray ito at tingin ko inspired ito sa pamilya nilang puro Ash.
Napalingon ako nang maramdaman ko ang mainit na kamay ni Ashton sa kamay ko at pin
