KINABUKASAN ay bumalik si Celine sa bahay ni Erin. Agad na hinanap nito ang pinsan at nakita niya ito sa likod bahay na inaayos ang isa sa mga CCTV camera. Si Lyndon lang naman talaga ang sadya niya roon dahil gusto niya itong makausap tungkol sa kaso ni Erin.
“Hi, Ce,” bati ni Lyndon na bumaba sa ladder na inakyatan nito nang makita siya.
“Hi, how’s the investigation going?”
“Walang lead kung sino ang nagtangka kay Erin sa resort dahil walang CCTV camera sa beach front. Nahanap ng mga pulis ang dalawang humarang sa amin gamit ang plate number na ibinigay ko sa kanila pero patay na ang dalawang lalaki nang makita nila,” aniya na initsa sa loob ng tool box ang tool na ginamit at ipinunas ang kamay sa likuran ng suot na pantalon.
Nanlulumong sumandal si Celine sa pader. “Kung ganon ay
