MAAGA pa lamang ay nakagayak na si Erin para sa pagpunta sa location nila para sa kaniyang music video. Mayamaya ay naroon na rin si Celine at magkasama na silang tutungo sa Batangas dahil doon ang location nila. Nang makababa siya ay naabutan niya si Lyndon na nakabihis na rin at handa na sa pag-alis nila. Sigurado siyang hawak ng binata ang lahat ng schedules niya kung kaya hindi na nakapagtatakang alam nito kung saan sila pupunta nang araw na iyon kahit na wala siyang sinasabi. Mukhang na-orient na ito nang maigi ni Celine.
“Nasa van na ang mga gamit mo, Ma’am,” imporma nito sa kaniya habang hinihintay siyang makababa sa hagdanan.
Tiningnan niya lang ito at hindi na sinagot. Umupo siya sa couch at pinadalhan ng message si Celine. Nine in the morning ang call time nila at alas cinco
