NAPABALIKWAS ng bangon si Erin nang makarinig ng tunog ng pagkabasag. Nahintakutang tiningnan niya ang direksyon ng bintana at nakita niyang basag iyon. Napansin niya ang batong nabalot ng puting tela sa sahig ng kaniyang silid. Dumadagundong sa kaba ang kaniyang dibdib na bumaba sa kama at lumapit sa bintana. She saw a man outside. Mula sa bintana ay kita niya ang bulto nitong nakaharap sa kaniya mula sa dalampasigan. Nakasuot ito ng itim na jacket at nakasombrero kung kaya hindi niya makita ang mukha nito. Isa pa’y mapusyaw lamang ang ilaw na tumatama sa kinaroronan ng lalaki. Ni hindi pamilyar sa kaniya ang pigura nito.
Napaatras siya nang makitang umangat ang kamay ng lalaki at nanlaki ang mga mata niya nang makitang may hawak itong baril at nakatutok sa kaniya. Mabilis siyang umup
