Nakatingin lamang si Adriana sa puntod ng ina at huminga nang malalim.
“Ano ba talaga ang nangyari sa ‘yo Ma? Hindi ka nga ba talaga naaksidente? Bakit sa dinami-raming lugar ay doon pa sa walang CCTV?” aniya. Huminga siya nang malalim at inayos ang dala-dalang bulaklak.
“Huwag kang mag-alala sa ‘kin at inaalagaan naman ako ni, Yoa. Hindi nila ako pinapabayaan ni, Bulma. Ang daming katanungan sa isip ko Ma pero baka mas magandang mananatiling tanong na lang iyon. Alam kong hindi ka rin naman magiging masaya kapag nalaman ko ang lahat ng mga painagdaanan mo. Baka hindi ko kayanin,” mahinang saad niya.
Natigilan siya nang maramdamang may tao sa likuran niya. Paglingon niya ay nakita niya si Antonio na naka-wheelchair. Tinutulak ito ng assistant niya at papunta sa kaniyang gawi. May dal
