THIAGO
Naghihintay ako sa pagpasok ni Harvey para sa mahalaga kong ipapagawa sa kanya. Mabuti na lang at kinailangan din ni Keyla na lumabas muna upang ihanda ang pagkain ko.
“Sigurado ka na bang okay na ang pakiramdam mo?”
Napa-angat ako ng tingin kay Doc. Alvin. Sa totoo lang hindi pa gaanong okay ang pakiramdam ko. Kaya lang kailangan kong maging malakas at gumaling kaagad. Nag-aalala ako para sa mag-ina ko. Hindi ko sila puwedeng iwan at pabayaan. Lalo pa ngayon na nagbalik na si Tanita!
“Wag muna akong alalahanin. Basta ibigay mo ang gamot na kailangan ko para gumaling ako kaagad.” Seryosong sabi ko sa kanya.
“Thiago, narinig ko kay Harvey ang tungkol kay Tanita. Pero sa kundisyon mo ngayon. Baka hindi mo kayaning labanan siya. At isa pa nagdadalang tao si Keyla. Kapag gumaw
