BIGLA akong napatayo sa sinabi n'ya at bahagyang lumayo. Hindi naman n'ya ako pinigilan. Bagkus ay sumandal pa ito sa swivel chair n'ya at tinitigan ako. My head is on overdrive sa mga nangyari at gusto n'yang mangyari. Wala na yatang tatalo sa bilis n'ya.
"Jay, teka lang. Ang bilis bilis ng mga pangyayari. Preno muna tayo ng konti. Naguguluhan ako sa 'yo eh," sabi ko sa kanya.
"Come here."
Umiling ako. "Ayaw. Hindi ako makapag-isip ng matino kapag malapit ka sa akin kaya d'yan ka lang," itinaas ko pa ang kamay ko dahil akma s'yang tatayo mula sa upuan n'ya.
Sa tahimik ng study ay rinig na rinig ko ang buntong hininga n'ya. Humalukipkip ito at wari ko ay hinihintay akong magsalita. Hindi ko alam kung anong una kong sasabihin sa kanya. Ayaw ko sanang magsimula kami ng may nililihim ak
