INAAYOS ni Olive ang mga damit niya. Tinutulungan siya ni Aleli sa pagliligpit ng mga damit at isa-isang inilalagay sa loob ng maleta. Habang isa-isang isinisilid ni Olive ang kanyang mga damit ay panay ang pagtulo ng mga luha niya.
"Olive, may gusto ka bang sabihin? Makikinig ako. Ituring mo akong parang Ate mo. Masasandalan mo ako kapag pakiramdam mo nag-iisa ka," sabi ni Aleli habang panay rin ang hikbi ni Olive. Sobrang nalulungkot siya sa nangyari sa mag-asawa. Puwede pa naman sigurong ayusin nila ang problema? Hindi palaging sagot ang paghihiwalay sa tuwing mayroong hindi pagkakaunaaan.
"Pinakawalan ko na 'yong lalaking pinapangarap ko. Ang nag-iisang lalaking minahal ko bukod sa Papa ko. I love him so much. Until now, na nasasaktan ako. At kahit na nasasaktan ako, mahal ko pa rin
