BINUKSAN ni Olive ang pinto ng kuwarto niya. At dali-daling bumalik sa kama saka naupo.
Naramdaman ni Nickson na bumukas ang pinto ng kuwarto ni Olive. Pinunasan niya ang mga luha niya at tumayo. Sinilip pa niya si Olive kung anong ginagawa nito sa loob ng kuwarto. Tahimik lang itong nakaupo.
"Puwede bang pumasok?" paalam na tanong ni Nickson. Tiningnan lng siya ng asawa niya at hindi sumagot. Lakas loob na pumasok sa loob ng kuwarto si Nickson. Nilapitan niya ang asawang nakaupo. At agad lumuhod sa harapan ni Olive.
Nanlaki ang mga mata ni Olive. "Hoy! Ano bang ginagawa mo?!" galit na tanong niya.
Napaangat ang tingin ni Nickson sa asawa. "Kung ito lang ang paraan para mapatawad mo ako, asawa ko. Gagawin ko. Kahit lumuhod ako araw-araw sa harapan. Kahit pa magkakalyo ang tuhod ko kak
