ISANG buwan na halos puro si Aleli lang ang kasama ni Olive sa bahay. Si Nickson ay magagawi lamang sa bahay nila paminsan-minsan. Madalas ay nagmamadali rin itong umaalis ng bahay. Ni hindi nagpapaalam sa kanya kung saan pupunta. Minsan tinatanong na lamang niya ang sarili, kung ano pa bang silbi ng pagsasama nila sa isang bahay. Masyado siyang nag-assume na mahal talaga siya ni Nickson. Napipilitan lang siguro ito ang inamin, sa loob-loob nito'y wala naman talagang nararamdaman ang asawa niya sa kanya.
"Olive, di ba ngayong araw ang graduation ni Sir Nickson?" tanong ni Olive habang nasa garden sila at inaayos ang mga halaman.
Napatingin si Olive rito at napahinto sa ginagawa. Napaisip siya. Ano na nga bang petsa na? Biglang nagliwanag ang mukha niya na tama si Aleli. Ngayong araw ang
