NAG-AALALA na si Nickson para sa asawa niya. Hindi nakapagpaalam na aalis ng bahay si Olive. Pinayagan niya itong magtrabaho. Pero hindi niya alam na ngayon din ay magsisimula na kanyang pagmomodelo ang asawa.
Gabi na rin at hindi pa ito nakakauwi sa bahay nila si Olive. Wala namang sinabi sa kanya ang asawa bago ang huli nilang pag-uusap kaninang umaga.
Nang hindi na nakatiis ay tinawagan na niya ang Papa ni Olive. "Pa, umuwi po ba si Olive d'yan sa inyo?" bungad na tanong ni Nickson sa kabilang linya.
"Ha? Wala si Olive sa bahay. Ang alam ko, e, may usapan nga kami bukas na pupunta siya sa bahay para pumunta sa boutique. Gusto niyang makita ang mga design ng wedding dress. At siya raw mismo ang gustong pumili sa isususot sa kasal n'yo," sagot ni Norman sa manugang.
"Ganoon po ba? Hin
