Nagsalubong ang mga kilay ni Ruthie nang pagpasok niya ng opisina ay namataan niya ang nakukubang postura ni Viena. Nakaupo ito at nakaharap sa nakapatay nitong computer, bagsak ang magkabila nitong mga balikat. Para itong pinagsakluban ng buong mundo.
Nilapitan niya ang babae. "Viena, are you okay?" Nakatambak ang patung-patong na mga dokumento at folders sa ibabaw ng mesa nito. Magulo iyon at halatang hindi na nagagalaw.
Napaigtad ito at nandidilat ang mga matang napalingon sa kanya. Napasiksik ito sa upuan nito. "O-okay lang ako."
Kumunot ang noo niya sa inakto ni Viena at higit lalo sa hitsura nito. Nangingitim ang palibot ng mga mata ng babae. Hindi ba ito nakakatulog nang maayos? Wala naman siyang pinapagawa sa mga ito na maaaring ikapuyat nito. "Wala ka pa bang maayos na tulog?
