“Leani, sigurado ka ba sa gagawin natin?” balisang tanong ni Viena sa kaibigan nito. Sina Viena at Leani ay parehong nasa ilalim ng pamumuno ni Ruthanya. Bago dumating si Ms. Ruthanya Capili sa Altieri Construction ay ipinabatid na sa Sales Department na ang dating nag-iisang team ay dadagdagan ng isa pa na bubuo sa Sales Team Group 2.
Si Leani na gustong makuha ang posisyon ay ibinuhos ang buong oras sa pagpapakitang gilas sa Team Leader ng Group 1 sa pag-asam na ito ang irerekomenda ng Boss kapag binuo na ang pangalawang grupo. Kaya labis itong nadismaya nang in-anunsyong may bago ng Team Leader.
“Alam mo namang mapanganib na kliyente si Mr. Abucajo. Nangha-harass ng ahente iyon. Lalo na kapag baguhan at walang alam.” Malaking kliyente si Mr. Abucajo ng kompanya nila. Nasa sesenta na
