"Aaaaaaaaaaaahhh!" ang matinis na sigaw ni Francesca ang bumalot sa buong kabahayan. Napa-yukyok na lang siya sa kanyang kinatatayuan. Hindi niya magawang lapitan ang kanyang Kuya France.
"Anong nangyayari dito?" narinig niyang tanong sa kanya ng kanyang ama.
"Dad si Kuya," nangangatal na sagot niya sa ama.
"Anong nangyari sa kuya mo?" tanong ni Don Francisco sa anak. Hindi agad nakuhang sumagot ni Francesca sa ama. Hindi na hinintay ng Don ang kanyang pagsagot, dire-diretso na itong pumasok sa loob ng kwarto ng anak na panganay. "My God! Emerson! Esmeralda dali, tawagan mo si Tatay Jose at dadalhin natin si Emerson sa ospital!" agad na sigaw ni Don Francisco sa maybahay nang makita ang sitwasyon ng anak.
"Bakit? Anong nangyayari?" humahangos na tanong ni Dona Esmeralda sa asawa. "My
