NANLALAMIG ang mga kamay ni Mae habang papunta sila sa mansion ng mga magulang ni Kuya NogNog. Ngayon lang niya makikita ang pamilya nito, at hindi niya alam kung paano haharap sa lahat ng miyembro. Lalo pa’t alam niyang madalas mababa ang tingin ng mga mayayaman sa mga katulad niyang simpleng modelo. Paano pa kaya kung malaman nilang wala siyang natapos? Sigurado siyang pagbabawalan nang makipagkita kay Froilan.
Sa dami ng pumapasok sa isip niya, unti-unti siyang nanghihina. Parang gusto na lang niyang sabihin kay Kuya NogNog na ibaba siya sa may sakayan ng taxi at umuwi na lang.
“Kathryn,” basag ni Froilan sa katahimikan, “malayo yata ang iniisip mo. Nasa modeling agency ka ba o iniisip mo ang mga bachelor na manliligaw mo?” biro niya, sabay ngiti. Kita niyang tensyonado si Kathryn — h
