"Maganda na ba ako?" Usisa ni Losang kina Deth at Madi na nakatingin sa kanya nang mga oras iyon. Simpleng ayos lamang ang nais niya. Pero sadyang may angkin talaga siyang kagandahan kaya kahit simpleng gayak lamang ay maganda na siya.
"Oo. Mukha ka ng mayaman," ani Deth na natatawa.
"Magiging mayaman talaga 'yan. Ikaw ba naman ang magiging asawa ng isang Yuel Policarpio," banat naman ni Madi. Pinandilatan niya ito ng mga mata.
"Bunganga mo, Madi. Akala pa niyan ng makakarinig sa'yo e gold digger ako."
Nanahimik ang kaibigan. Maya maya pa ay may kumatol sa quarter nila, nagmamadali siyang tinungo ang pintuan. At nang mabuksan iyon ay nakita niya si Yuel na gwapong gwapo sa suot na white polo at jeans. Napangiti siya. Tila may nagtatalunan sa dibdib niya kapag nasisilayan si Yuel, mahal
