Kanina pa habang nag-uusap kami ni Onse, ramdam ko na parang may mga matang nakatanaw sa amin, pero dahil nasa kalsada nga kami, may mga taong dumadaan, may mga kapitbahay na alam kong humahaba ang mga leeg masipat lang kung ano ang ginagawa namin ni Onse, isinawalang-bahala ko ang nararamdaman ko.
Kinukumbinsi ang sarili na dahil lang sa mga nangyari sa amin ni Onse nitong mga nakaraan kaya ganito ang nararamdaman ko.
But…the sudden embrace happened. Gulat na gulat ako, pero alerto namang kumilos ang katawan ko. "Ano ba!" Siniko ko ng malakas ang lapastangan na yumakap sa akin, at agad akong lumingon sa namimilipit na lalaki–si Vincent.
Kapa nito ang kanyang sikmura na siniko ko habang ang mga mata ay walang kurap na tumitig sa akin.
Umatras ako. Ang lakas ng kabog ng dibdib ko na p
