“Anong gagawin ko?” Hanggang yakap sa sandok na lang ang nagagawa ko, habang tinatanaw ang ginisang karne ng baka na ngayon ay natusta na, hindi ko alam kung paano pa mapatay ang apoy na tumutupok sa niluto ko.
Ang saya-saya ko pa naman kanina habang hinahanda ang mga rekados sa lulutuin ko sanang beef broccoli.
“Paano na ‘to?" natataranta kong tanong sa sandok na hawak ko.
Hindi ako magaling magluto, hindi magaling sa kusina. Ang kaya ko lang lutuin ay mga basic lang. Prito lang o hindi kaya ang mag-boil ng itlog at noodles—doon kasi ako sanay.
Ito ang unang pagkakataon na nagluto ako dahil sa suggestion ng aking kapatid. At saka, gusto ko rin sanang ma-impress si Onse.
“Daisy!” Nilayo ako ni kuya sa umaapoy na kawali, at tinakpan niya ito ng takip ng kaldero. Ayon at nawala na a
