Winaksi ko ang kamay ni Althea. Talagang sinusubok niya ang aking pasensya. “Umalis ka sa harap ko, kung ayaw mong patulan kita.” Sinusubukan ko pa rin na maging kalmado. Pero imbes na umalis siya, mayabang niya akong nginitian, at tinaasan pa ako ng kilay. Talagang hinahamon niya ako.
“Paano kung ayoko? Anong gagawin mo?” Natatawa niyang tanong. Sinadya niya ring lakasan ang kanyang boses. Kinukuha ang atensyon ng marami.
“Bakit ka kasi nagmamadali umalis? Don’t you want to spend some quality time with your ex-boyfriens and his wife?”
Lalo pang mas naging klaro sa kanyang boses ang panghahamon.
Sinubukan ko pa ring magtimpi. Hindi nagkain ng inis o galit. Ayaw kong magkapisikalan na naman kami, kaya imbes na sugurin ko siya, sigawan, at patulan ang kabaliwan niya, nginitian ko siya.
