HINDI maintindihan ni Delaney kung bakit kumakabog ang dibdib niya habang magkatabi sila ni Aljur sa loob ng simbahan. Kapag sumulyap siya rito ay nahuhuli niyang nakatingin ito sa kaniya at bigla na lang ngumingiti. Kung siya naman ang tumitig dito at nahuhuli siya nito ay bigla na lang siyang napapaiwas ng tingin at lihim na tinatahan ang dibdib niyang walang humpay sa pagpintig nang matulin. Ang hindi niya alam ay ganoon din ang nararamdaman ng binata sa kaniya.
Nang maghawakan na ng kamay, parang may kung anong kuryenteng dumaloy sa katawan niya. Ngunit pakiramdam nila ay saktong-sakto ang kanilang mga kamay para sa isa't isa. Tila ayaw nang bitawan nito ang kaniyang kamay. Dahil sa kaba at hiya, sinikap ni Delaney ang bawiin ang kamay niya mula sa lalaki ngunit parang magnet na magka
