"PUWEDE bang dito muna ako matulog?" nahihiyang tanong ni Joross sa kaniya.
Hindi niya napigilang kumawala ng tawa. "Iyan lang pala. Akala ko naman kung ano na. Oo naman," tugon niya rito.
Dagling sumilay sa mga labi nito ang ngiti. Kapagkuwa'y nanood lang sila ng palabas. Muli namang naalala ni Delaney ang inihayag ni Joross kanina bago dumating si Aljur.
"Kuya, hindi na ba talaga galit si Tita Divina sa 'kin?" usisa niya sa katabi.
"Hindi kapani-paniwala, 'di ba? Pero totoo ang sinabi ko sa 'yo. Para walang mangyari, huwag ka lang pupunta sa bahay at 'pag nakita mo siya, iwas ka agad. Alam mo namang pabago-bago ng isip 'yon."
Tango naman ang isinagot niya.
"Maaaring galit pa rin siya sa 'yo, pero mawawala rin 'yon basta't sundin lang natin 'yong sinabi niya. At saka, kung dumating
