PAGBUKAS ni Delaney ng pinto ng apartment niya, isang guwapong naka-formal suit na lalaki ang lumitaw sa kaniyang harapan. Halos malaglag ang kaniyang panga sa tanawing ito. Sa pagkikita nila, hindi naman ito nakasuot ng ganito kapormal. Ngayon lang niya ito nakitang bihis na bihis. At ngayon niya lang lubos na napapansing isa nga itong CEO nang pagkatitigan niya itong mabuti. Bakit ba kasi parang magkaiba 'yong mukha nito sa mga nakita niya sa TV commercials, magazines, at iba pa kaysa sa mukha nito sa personal? Ang tanga rin naman niya dahil madalas niyang nakita ang guwapo nitong mukha sa mga nabanggit ngunit hindi man lang niya inabalang alamin ang pangalan nito.
At ang lalaking napakalapit sa kaniya ngayon ay isang CEO na kahapon lang niya nalaman mula sa mga kaibigan niya. Dahil yat
