Nahihilo ako. Halos kalahati pa lang ng can ang naiinom ko ngunit sa lalo pang paglatay ng init at alak sa aking lalamunan, pakiramdam ko ay umiikot na ang paligid ko.
Hindi na dapat ako magulat sa epekto nito dahil sa dinami-rami ng pagkakataong nasaksihan ang dulot nito, literal naman talagang nakalalasing ang beer. Pero bilang isang first timer na nakalaklak nang higit pa sa natikman ko noon, mukhang kailangan ko na itigil. Kailangan ko na itong tantanan bago pa man ako mawala sa sarili ko.
Ngunit bakit ganoon? Bakit sa halip na tigilan ay hindi ko man lang ito magawang bitawan? Pilit nang nagsusumigaw ang isip ko na sana’y bitawan ko na ang alak na ito ngunit hindi ko man lang magawa. Taliwas ang ginagawa ng kamay ko. Tumataliwas lang din ako sa sarili ko.
“You okay? Gusto
