DAHIL sa pangyayari muling naging usap-usapan na naman ang pamilya namin. Marami ang nakisimpatya sa pinagdadaanan naming lungkot marami ang nagalit at sinisisi kami. Nang ilabas ng pulis ang CCTV camera ay sari-saring larawan ang kumalat sa social media maraming tao ang ginawang katatawanan ang larawan ng matandang dumukot sa anak ko at marami rin ang pinakalat para tulungan kami.
"I"m sorry, Mr Britain pero wala pa rin balita sa anak n'yo." sabi ng pulis.
Bagsak ang balikat ko sa narinig ko sa pulis. Isang linggo na mulang mawala ang anak namin.
"Wala bang tumatawag sa inyo para humingi ng ranson money kapalit ng anak n'yo?"
Umiling ako. "Walang tumatawag sa'kin na humihingi ng pera kapalit ng anak ko." sagot.
"Kung gano'n hindi kidnap for ransom ang motibo ng dumukot sa anak n'yo."
