HALOS sabay-sabay silang napalingon sa gawi ng front door matapos marinig ang malakas na boses ng babae na nagwawala at panay ang sigaw. Kasalukuyan silang kumakain ng almusal nang marinig ang komosyon sa labas.
“Padaanin n’yo sabi ako eh!”
Nagkatinginan sila Javier at Regina.
“It’s Rachel,” sabi niya nang makilala ang boses.
Bumuntong-hininga si Regina. “Sabi na eh.”
Hinawakan niya ang kamay nito at tinapik.
“Don’t worry, I’ll take care of this. Dito lang kayo ni Marcela,” sagot niya saka tumayo at lumabas ng dining area.
Gaya ng hinala ni Regina, ganoon din ang inasahan niya, na darating doon si Rachel para komprontahin siya. Hindi siya tanga, alam na alam niyang may hidden agenda ang mag-ama kaya
