"Pinoy Henyo raw, mga ugok," anas ni Brandon.
"Sige, sige! Ngulay? Ngolor mink?" anang Paul Shin na nagtunog ngongo dahil sa ginagaya nitong famous line sa isang palabas ni Jerald Napoles.
"Hindi, 'wag na 'yun. Ang korny, e," dagdag naman ni Leo. "Wala bang laro na may pustahan para ganahan naman ako?"
"Loko ka talaga. Huwag nang maglaro, inom na lang kayo hanggang mag-umaga," ani Gabriel.
Iyon nga ang nangyari, pakiramdam ko pa ay iyon na ang huli na magsasama-sama kami dahil sa ingay at malalakas na tawanan. Alam ko rin naman kasi na may kaniya-kaniya silang pinagkakaabalahan sa buhay at hindi sa lahat ng oras ay available sila.
Si Warren na may Tyra, na abala rin sa wine and liqour company nila. Ganoon din si Paul Shin na may kaparehong kumpanya kung saan ay si Vanessa ang nagma-ma
