Kinabukasan nang magising ako dahil sa paulit-ulit na paghaplos sa buhok ko, unti-unti ay nagmulat ako at hindi na ako nagulat nang bumungad sa paningin ko si Gabby. Sa kadahilanan pang magkaharap kami ay kaagad na nagtama ang mga mata naming dalawa.
Nang makitang gising na ako ay awtomatiko naman siyang napangiti, kasunod nang pagdukwang nito sa mukha ko upang mahalikan ako sa noo. Nagawa pa niyang nakawan ako ng halik sa labi ngunit hindi na ako umangal pa.
Nang lumayo ito ay naroon pa rin sa kaniya ang maliit nitong pagkakangiti. Hindi ko alam kung kanina pa ba siya gising o kung buong magdamag niya akong pinapanood sa pagtulog ko. Sa naisip pa ay bahagay akong napangiti.
Tunay na ramdam ko ang pagmamahal sa akin ni Gabby, walang pag-aalinglangan doon at walang halong pagpapanggap. H
