Kinabuksan nang maalimpungatan ako, sa ilang araw yata na nagdaan ay palaging nauunang magising si Gabriel. Wala siya ngayon sa tabi ko at naiwan ulit akong mag-isa sa cabin. Kaagad ko itong hinanap sa loob, pero natanto kong nasa labas ito.
Marahil ay nagluluto ng agahan para sa aming dalawa, since late na akong nagigising. Hindi ko rin alam kung bakit ngunit sa nakalipas na araw ay napapasarap ang tulog ko, hindi lang dahil sa reyalisasyon na kasama at katabi ko si Gabriel.
Pakiramdam ko ay madali na lang talaga akong antukin, siguro nga ay dahil na rin sa wala kaming masyadong pinagkakaabahalan ni Gabriel sa yate. Wala ring cellphone na pwede kong gawing alarm clock, since hindi ko na binubuksan ang phone ko simula nang pumarito kami.
Wala kaming ibang ginagawa kung 'di ang aliwin a
