SITENTA Y UNO
AURORA MARASIGAN
“Miss Rara, may padala ka daw sa ibaba,” katok ni Kuya Tony sa akin.
“Bakit kailangan pa akong tawagin? Hindi ba inaakyat lang nila ang mga parcel ko?” tanong ko kay Kuya Tony paglabas ko ng kwarto.
“Kailangan daw po kayo eh.”
Wala akong nagawa kaya nagbihis na lang ako at bumaba na. At pagdating ko sa ibaba ay nagulat na lang ako ng ang padala na bumungad sa akin ay hindi ko kayang buhatin. Isang higanteng teddy bear ang nakatayo sa harap ko katabi ang isang malaking bouquet din. Lumabas mula sa likod noon ang dalawang lalaking siyang nagdeliver ng malaking bulto ng manikang ito.
“Kuya, hindi po ba mali kayo ng address na pinagdalhan?” tanong ko pa na naninigurado kung para sa akin nga ang dala nila.
“Kayo po si Aurora Marasigan ‘di ba po? Yung
