Chapter Fifty- Two
JOB
HABANG kumakanta ako ay hindi maalis sa paningin ko si Philip. Gusto ko siyang nakikitang dinadama niya ang musika at hindi niya ako binigo dahil nang sabihin kong pumikit kami ay ginawa niya iyon.
Hindi ko maitago ang ngiti sa aking mga labi dahil pakiramdam ko magagawa niyang baguhin ang kanyang sarili sa pamamagitan nang pag-aaya ko sa kanya dito sa church.
Sinisiguro kong hindi ito ang una at huling punta niya rito. Gusto ko rin na makita siya ng mga magulang ko nang sa ganoon ay makilala siya ng mga ito. Nang sa ganoon ay malaman nilang hindi masamang tao si Philip.
"KAIN na muna tayo sa bahay," wika ni Kuya pagkatapos ng aming service.
"Sige Kuya. Magpapadeliver na lang tayo ng Chicken," suhestiyon ko.
"Huwag na. Nakapagluto na si Aling Binang kanina pa.
