RUSTY TABALANZA
“Maganda ang islang ito, ah. Kung gagawin itong resort, sigurado na maraming pupunta sa lugar na ito,” sabi ko kay Krypton. Nasa tabing-dagat pa rin kami at kasalukuyan na nag-iinuman. Ginawa naming pulutan ang mga isdang binili namin sa laot. Hindi pa naman kami lasing. Tamang inom lang kasi ang ginawa namin.
“Noong una, ang balak ko lang talaga ay magtayo ng bahay namin ni Bella sa islang ito. I already planned everything, ang kaso ay umalis siya matapos kong maaksidente.”
Aksidente? Anong aksidente naman iyon?
Wala naman kasing nabalita noon na naaksidente siya kaya hindi ko alam kung ano ang tinutukoy niya. O baka ginawang private lang iyon. Kaya naman nilang gawing private ang aksidente na nasangkutan ni Krypton dahil mayaman sila.
“Hindi ka ba magtatanong kung
