RUSTY TABALANZA SALAZAR
Umiling ako dahil sa sinabi niya. Ayokong maniwala. Alam ko kung ano ang impotent. Alam ko iyon kahit English pa iyon.
Napatingin ako sa kanya habang nanatili akong nakatayo habang siya naman ay nakaupo sa buhanginan at hawak ang kamay ko.
Ano ba ang sasabihin ko?
Nang hindi ako magsalita ay tumayo siya habang hawak pa rin ang kamay ko. Tumapat siya sa akin. Gamit ang isang kamay niya ay hinawakan niya ang baba ko at itinaas ang mukha ko. Naglapat ang mga mata namin sa isa’t isa.
Kahit wala pa siyang sinasabi, parang nababasa ko na sa mga mata niya ang isang libong mga salita na gusto niyang sabihin sa akin. Ngayon ko nakita ang ibang bahagi ng pagkatao ng asawa ko. Ang bahagi ng bilyonaryo na may lungkot sa mga mata, may insecurities, may gustong sabihin pe
